KASABAY ng paggunita ng bansa sa National Disaster Resilience month, muling isinulong ni Senador Christopher ‘Bong’ Go ang pagtatatag ng Department of Disaster Resilience (DDR) at ang pagkakaroon ng mandatory evacuation centers sa buong bansa.
Iginiit ni Go, panahon na para baguhin ang mindset at pagtugon sa natural disasters at calamities lalo na’t normal na ang taon-taon ay nararanasan na ito, subalit ang mahirap na sitwasyon ngayon ay nasa gitna ang bansa ng COVID-19 pandemic.
Ani Go, dapat nang tanggapin na “vulnerable” ang bansa sa mga kalamidad tulad ng mga bagyo, lindol at volcanic eruptions.
Binigyang diin nito, ngayong taon ay napakaraming kalamidad ang pinagdaanan ng bansa kaya naman dapat nang pairalin ang kultura ng pagiging proactive at resilient para malampasan ang mga krisis.
Ayon kay Go, mahalagang mai-promote ang awareness, information dissemination at ang pagtuturo sa publiko lalo na sa mga komunidad kaugnay sa pagharap sa mga kalamidad.
Nauna nang isinulong ni Go noong Hulyo ng nakaraang taon ang Senate Bill 205 o ang pagkakaroon ng DDR na mayroong unity of command at responsable sa pagtiyak ng kaligtasan, disaster-resilient at madaling makaagapay sa mga pagbabago na komunidad.
Maliban sa DDR, isinusulong din ni Go ang SB 1228 o mas kilala bilang Mandatory Evacuation Center Act kung saan required ang bawat lalawigan, lungsod o bayan na magpatayo ng mga permanenteng evacuation centers. VICKY CERVALES
Related posts:
DEPARTMENT OF DISASTER RESILIENCE, APRUB NA SA KAMARA
DDR BILL ISINUMITE NA SA KONGRESO
(Pagkatapos ni Tisoy) DDR BILL IPASA NA
PAGBUO NG DEPARTMENT OF DISASTER RESILIENCE IPAPRAYORIDAD NG SENADO
DDR IPASA NA NG SENADO
BONG GO CALLS ANEW FOR THE ESTABLISHMENT OF THE DEPARTMENT OF DISASTER RESILIENCE FOLLOWING A 6.8 MAGNITUDE EARTHQUAKE IN SOUTHERN MINDANAO
BONG GO ON RECENT STRONG EARTHQUAKES THAT HIT MINDANAO AND LUZON: ‘IT’S AN EYE OPENER. WE NEED TO ALWAYS BE PREPARED’
Comments are closed.