MAGKASANIB puwersa ang Department of Education (DepED), Commission on Elections (Comelec), at Department of Science and Technology (DOST) upang matiyak na magiging maayos ang paghahanda para sa darating na National at Local Elections sa Mayo 9, 2022.
“With three agencies working and cooperating very closely and linking our various campaigns, we can communicate with the public our joint efforts to assure free, fair, and clean elections,” saad ni Education Secretary Leonor Briones sa ginanap na virtual na paglagda sa isang Memorandum of Agreement (MOA) kamakailan.
Ayon sa MOA, pangungunahan ng DepEd ang proseso ng pagpili ng mga guro na magsisilbing mga miyembro ng electoral board habang ang DOST naman ang naatasan sa upskilling activities at sertipikasyon sa ilalim ng Automated Election Law.
Siniguro naman ng mga ahensiya sa publiko na sasailalim sa pagsasanay at written examination ang mga miyembro ng electoral board, na isasagawa ang virtual at practical examination sa paggamit ng mga vote-counting machine.
Samantala, nagpahatid si Briones ng pasasalamat sa Komisyon sa pagpayag nito na itaas ang honorarium ng mga miyembro ng electoral boards, na bubuuin ng mga guro.
Base sa inilabas na Comelec Resolution No. 10727, makatatanggap na ngayon ang Chairperson ng Electoral Board ng ₱7,000; mga miyembro ng Electoral Boards – ₱6,000; Department of Education Supervisor Official (DESO) – ₱5,000; at Support Staff – ₱3,000.
“Ang DepEd naman, sa bawat eleksiyon, plebesito at ang lahat ng ating electoral exercise, ay alam ng bawat Pilipino na tumutulong sa Comelec ay ang ating mga guro.
“Hinding-hindi matatawaran ang sakripisyo ng mga teacher tuwing eleksiyon para sa ating bayan,” wika naman ni Comelec Chairman Sheriff Abas.
Samantala, binanggit naman ni DepEd Undersecretary Alain Del Pascua na nitong Enero 19, nasa 681,283 na mga guro at kawani ang nakapag-sumite na ng kanilang aplikasyon para sa digital signature base sa datos ng DepEd Learning Management System.
Dumalo naman sa naturang MOA signing sina Undersecretary for Field Operations Atty. Revsee Escobedo at mga opisyal mula sa Comelec at DOST. BENJIE GOMEZ
Related posts:
POSTPONEMENT NG HALALAN ‘DI KAILANGAN-COMELEC
PDA NG MGA KANDIDATO BAWAL (Comelec suportahan,FLAG-MAHARLIKA nanawagan)
PAGDARAOS NG HALALAN WALANG MAKAPIPIGIL – COMELEC
2% MISMATCH SA ELECTION RETURNS, HINDI TIYAK ANG EPEKTO SA KREDIBILIDAD NG HALALAN
MAHIGIT 2K NAGPAREHISTRO SA COMELEC PATEROS
PAMIMIGAY NG SAMPLE BALLOTS BAWAL
1M BALOTA SINIRA NG COMELEC
IMPLEMENTASYON NG SENIOR HIGH MATAGUMPAY – DEPED