DEREK NILINAW NA HINDI PA SILA NAGPAKASAL NG NON-SHOWBIZ GF

NATAWA na lamang si Derek Ramsay nang may nagtanong sa kanya kung totoong nagpakasal na sila ng girlfriend niyang si Joanna Villablanca.  Nakita raw kasi sila sa picture na naka-wedding attire.

Wala raw katotohanan, nag-cameo role daw lamang sila ng girlfriend sa movie nina Jericho Rosales at Jessy Mendiola na “The Girl in the Orange Dress,” ang official entry ng Quantum Film sa coming 2018 Metro Manila Film Festival (MMFF) sa Dis­yembre.  Ilang taon na rin gumagawa ng MMFF entry si Derek sa Quantum Films kaya hindi niya natanggihan ang request ng producer na si Atty. Joji Alonso na mag-guest sila sa movie. Kung baga, practice lamang nila ni Joanna ang guesting nilang iyon.  Natawa nga raw siya na ninenerbyos si Joanna sa simula ng take, pero later on, naging comfortable na rin siya.

Inamin ni Derek na napag-uusapan naman nila ni Joanna ang pagpapakasal, pero hindi pa raw ngayon, mga two to three years pa magaganap iyon.  Pero si Derek, hindi pa raw sila ngayon magpapakasal ni Joanna.

“Paghahandaan na­ming mabuti iyon ni Joanna dahil gusto ko kung kakasalin kami, very intimate ang wedding at kilala namin ang lahat ng mga guest namin” dagdag pa ni Derek.

KIM CHIU IDINISPLAY NA ANG KATAWAN

FIRST time na­ming nakitang nag-suot ng swimsuit si Kapamilya actress Kim Chiu na pinost niya sa kanyang Instagram nang kasama siyang pumunta sa Balesin Island, upon the invitation of her new producer, si Roselle Monteverde ng Regal Films last weekend.  Kasama rin nila si Direk Eric Quizon, at sister niyang si Kam at ilan pang friends ni Ms. Roselle.

Kaya ang fans ni @chinitaprincess, tuwang-tuwa na nag-post siya, matagal na raw nilang hinihintay iyon na magsuot naman ng swimsuit si Kim dahil of right age na raw naman ito.  Sexy at flawless daw naman ang skin ng actress.  Kahit si Kim, sinabi niyang minsan daw lamang niya ito ginawa.

Anyway, si Kim ang bida sa “One Great Love” movie ng Regal Films na official entry nila sa 2018 Metro Manila Film Festival. First time nilang magtatambal ni Kapuso Drama King na si Dennis Trillo, kasama rin nila si JC de Vera.  Nasa cast din sina Eric Quizon, Marlo Mortel, Miles Ocampo. Jenny Arteta, Fiona Yang, directed by Enrico Quizon.

ALDEN MAY LESSON FROM WARREN BUFFET

Bakit ba lagi na lamang naba-bash si Alden Richards, kahit nananahimik lamang siya.  Kaya tamang-tama ang Twitter post niya na word from Warren Buffett: “You will continue to suffer if you have an emotional reaction to everything that is said to you.  True power is sitting back and observing things with logic.  True power is restraint.  If words control you that means everyone else can control you.  Breathe and allow things to pass.”

Madalas ay ito naman ang sinasabi ni Alden, hindi na lamang niya pinapansin ang mga pamba-bash sa kanya.  Balik taping na si Alden today, Wednesday, ng “Victor Magtanggol” after ng five days na pahinga with his family.