DEREK RAMSAY PALAG NANG IKUMPARA KAY GERALD ANDERSON

PUMALAG si Derek Ramsay nang ikumpara siya ng isang netizen kay Gerald  Anderson.

May netizen kasi ang nagsabi na kaya raw hindi nagtatagal ang relasyon ni Derek dahil sadyang mahilig lang daw ito makipag-flirt sa babae, lalo na raw sa mga babaeng nakakasama niya sa serye or movie.

Ginawa pang halimbawa ng netizen si Andrea Torres na leading lady niya ngayon sa bagong serye sa The Better Woman ng GMA 7.  Hindi na raw nagtaka ang netizen na laging magkasama ngayon at hindi magtatagal ay mauuwi rin raw sa relasyon.

Payo ng netizen kay Derek na magkaroon na raw ulit ito ng anak para matigil na raw ang kalandian nito.

“Gawa ka na kasi ng baby mo matanda ka na. Hindi ung puro kalandian  lang  ginagawa mo. Yan tuloy si Gerald Anderson nagmana  sayu,” post ng netizen.

Sagot naman ni Derek na sarcastic na pa-thank you sa naturang netizen:

“Salamat  sa advice and I hope because of what you send masaya ka  for  the rest of your day.”

Well, abangan natin kung totoo nga ang hinala ng netizen na hindi rin magtatagal ang relasyon nina Derek at Andrea (kung totoo nga may relasyon nga namumuo sa kanila ngayon).

Grabe, parang sigurado ang netizen na matapos na pagsawaan daw ay mauuwi rin raw sa hiwalayan.

COCO MARTIN BIGLANG DINALAW SA SET SINA ANGEL AT PAULO

BIGLAAN  ang ginawang pagdalaw ni Coco Martin sa set ng teleseryeng The General`s Daughter  kaya nasorpresa tuloy ang tatlong mga bida ng serye sa ABS CBN.

Hindi inaasahan ng cast at production team ang pagdalaw ni Coco, bida ng longest running action serye sa Kapamilya Network, ang “FPJ`s  Ang Probinsiyano.

Hindi lang natapos sa pagdalaw ang pagbisita ni Coco sa taping ng serye nina Angel Locsin, Paulo Avelino at Albert Martinez dahil nag-iwan siya ng souvenir o regalo sa tatlo.

Naka-post sa Instagram ni Angel ang larawan nilang tatlo.

“Glock 17 sponsored by @mr.cocomartin. Grabe ka paps! Nagulat kaming lahat at may biglang dumating sa set! Salamat sa bago naming toy!!!

Hindi ako makakatulog  neto hahaha!”

Ang sinasabing toy ni Angel ay ang hawak=hawak nilang baril nina Paulo at Albert .

Tamang-tama naman dahil certified gun firer ang tatlo dahil matagal  nang nagte-training sa pagbaril sina Angel, Albert at Paulo.

Si Angel ay matagal nang nagsasanay humawak at magpautok ng baril.

Magmula pa noon nasa GMA 7 at ng magsama pa sila ni Robin sa isang teleserye.

Hindi lang malinaw kung ano ang pakay ni Coco sa biglaang pagdalaw sa set ng tatlong lead star ng The General`s Daughter.

Feeling tuloy ng iba ay baka raw may balak si Coco na maging guest ang tatlo sa MMFF entry movie ng actor.

Well, kung totoo ay hindi naman siguro siya mapapahiya or tatanggihan nina Angel, Paulo at Albert na makasama sa isang pelikula na entry pa sa darating na MMFF.