(‘Di dahil sa pagbubukas ng turismo) – DOT PAGTAAS NG COVID-19 CASES SA PROVINCES

HINDI ang pagbubukas ng turismo ang sanhi ng pagtaas ng kaso ng COVID-19 sa mga lalawigan, ayon kay Tourism Secretary Bernadette Romulo-Puyat.

“’Yung sinasabi nilang pagtaas [ng kaso ng COVID-19] ay ibang rason — local transmission, not because of tourism,” wika ni Romulo-Puyat sa isang panayam sa radyo.

Paliwanag niya, nire-require ng local government units ang mga turista na magprisinta ng resulta ng COVID-19 test bago ang kanilang pagdating.

Dagdag pa niya, mahigpit na minomonitor ng DOT ang mga kaso ng COVID-19 na inireport sa mga tourist destination.

“’Yun talaga ang sinusubayayan natin,” aniya.

“Like for example, ‘yung sa Boracay, noong tumaas ‘yung cases nila, actually binawalan ang turista noong March. ‘Di ba noong March pa lang, binawalan na ang turista mula NCR Plus? Ang rason diyan ay local transmission not because of tourism,” giit ng kalihim.

“Tapos sa Baguio, puro local transmission… Tapos sa Puerto Princesa na akala rin dahil sa turismo. Imposible dahil never nag-accept ang Puerto Princesa ng turista. Magbubukas dapat for tourism noong March 22. Tapos naabutan ng pagtaas ng cases sa NCR. So hindi natuloy. It’s not because of tourism,” dagdag pa ni Romulo-Puyat.

Related posts:

(Pinatututukan sa Kamara, DOT) EPEKTO NG NCOV SA TURISMO DOT, IATF NAGHAHANDA SA PAGBUBUKAS NG TURISMO MULING PAGBUBUKAS NG LOKAL NA TURISMO SA BANSA MAKATUTULONG SA PAGBANGON NG EKONOMIYA (Sa muling pagbubukas ng turismo) WALANG COVID OUTBREAK DAAN PATUNGO SA MULING PAGBANGON NG LOKAL NA TURISMO (Travels tumaas noong 2021) LOCAL TOURISM LUMAKAS USAPIN NG PAGSUSULONG NG TURISMO NG PILIPINAS HIGIT PA DAPAT SA SLOGAN 100K TRABAHO SA TURISMO NALIKHA NOONG 2017