‘DI SAPAT AT ‘DI EPEKTIBONG PAMAMAHAGI NG AYUDA PINUNA

DISMAYADO si Bayan Muna Partylist Rep. Carlos Zarate sa aniya’y ‘di sapat at hindi epektibong pamamahagi ng tulong pinansyal para sa mga residenteng naapektuhan ng ipinatupad na enhanced community quarantine (ECQ) sa NCR plus.

Ito’y matapos mapaulat ang mga pagpila ng ilang oras ng mga residenteng kukuha ng naturang ayuda.

Ayon kay Zarate, para lang itong deja vu kung saan tila naulit lang ang eksena noong unang namahagi ng tulong ang gobyerno sa mga tao sa pagsisimula ng pandemya.

Maliban dito ay pinuna rin ni Zarate ang P1,000 ayuda ng gobyerno na aniya ay hindi sapat para tugunan ang pangangailangan  sa dalawang linggong lockdown.

Ilang barangay naman sa mga lugar ng Pasig ang nagkaloob na ng ayudang P1,000 kada tao sa bahay-bahay habang sa mga lugar sa Mandaluyong ay pumila ang mga residente para makakuha ng ayuda.

Ayon sa Pasig PIO, tatlong pamamaraan ang gagawing pamamahagi ng ayuda, ang mga ito ay sa pamamagitan ng bahay-bahay, sa Paymaya payout at on-site dustribution ng barangay.

Related posts:

(Sisimulan nang ipamahagi sa Nob. 15) AYUDA SA TOURISM SECTOR AYUDA SA CAGAYAN MADALIIN (Direktiba ni Duterte) MAGSASAKA, MANGINGISDA SA 6 REHIYON AAYUDAHAN TYPHOON VICTIMS INAYUDAHAN NG QATAR HALAGANG P26-M AYUDA NG PITMASTER SA MGA SINALANTA NG BAGYO BIKTIMA NG BAHA SA NEGROS OCCIDENTAL INAYUDAHAN NI POE (Kayang ibigay ng gobyerno) P10K AYUDA SA BAWAT PAMILYANG PINOY (Aprub kay Duterte) 20K AYUDA SA SSS, GSIS PENSIONERS