DIEGO LOYZAGA MAY TIWALA SA GF NA SI BARBIE IMPERIAL

BALEWALA sa magkasintahang Diego Loyzaga at Barbie Imperial ang       ingay sa umano’y pagi­ging involved ni Barbie sa breakup ng mga vloggers na sina Alodia Gosiengfiao at Wil Dasovich.

Ayon sa actor, mahal niya si Barbie at alam ito ng actress, bukod pa sa may tiwala sila sa isa’t isa.

Kumalat ang balita sa social media na si Barbie ang sanhi ng breakup nina Gosiengfiao at Dasovich, matapos mag-post si social media personality Xian Gaza.

Hindi nagbanggit si Gaza ng pangalan sa kanyang post, pero nag-espikula ang mga netizens na sina Gosiengfiao at Dasovich ito, at ang Star Magic ay si Barbie Imperial.

Samantala, pinabulaanan ni commercial model, video game streamer, social media influencer, at dating segment host ng It’s Showtime na si Christine Samson ang intrigang ipinupukol sa kanya ngayon.

Ani Christine na sumikat bilang si Genie-Nga sa segment noon ng It’s Showtime na “Piling Lucky,” wala siyang kinalaman sa hiwalayang Wil-Alodia. Nadamay ang pangalan ni Christine sa blind item na ipinost ng controversial personali­ty na Xian sa Facebook noong November 16.

Aniya, kung sino man ang “Star Magic artist” na nahuling kayakap ng nobya ng “sikat na influencer” sa isang hotel room, hindi siya ‘yon.

Hininala naman ng maraming si Barbie Imperial ang Star Magic artist, ngunit ipinagtanggol ito ng boyfriend na si Diego. May ilan ding nagbanggit ng pangalan ni Christine ngunit hindi naman siya Star Magic artist.

Nakikisimpatiya si Diego kay Wil sa nangyari, ngunit hindi umano niya papatulan ang tsismis dahil may tiwala siya sa kanyang girlfriend..– KNMARTIN