HINDI nababago ang paninindigan ni Pangulong Rodrigo Duterte na kanyang ibe-veto ang anumang probisyon sa panukalang 4.1 trilyong pisong 2020 national budget.
Ito ang pahayag ni Presidential Spokesman Salvador Panelo makaraang ratipikahan ng dalawang kapulungan ng Kongreso ang panukalang pambansang pondo.
“Gaya ng sinasabi natin, mula’t sapul kapag mayroong isang batas o panukala na nasa kanyang lamesa, ito ay sasang-ayunan at pipirmahan niya kung ito’y naayon sa Saligang Batas at ano mang probisyon na labag dito ay kanyang ibe-veto. ‘Yun ang palagi niyang sinasabi,” giit ni Panelo.
Una rito ay ibinulgar ni Senador Panfilo Lacson na mayroong 83 bilyong pisong pondo ang inilaan sa mga kuwestiyonableng proyekto.
Ayon kay Panelo, makatitiyak ang publiko na aaprubahan ng Pangulong Duterte ang mga naaayon sa batas at tatanggalin ang labag sa batas.
Matatandaang vineto ni Pangulong Duterte ang 95 bilyong pisong pondo dahil sa kuwestiyonableng proyekto na nakapaloob sa 2019 national budget.
Hindi naman matukoy ni Panelo kung kailan lalagdaan ni Pangulong Duterte ang 2020 national budget. EVELYN QUIROZ
Related posts:
DAGDAG NA P275-B BUDGET PANLABAN SA COVID-19
₱40-B BUDGET PARA SA 3- BUWANG WAGE SUBSIDY HILING NG DOLE
PAUTANG MAKABABAWAS SA BUDGET GAP
BUDGET SA PAGPAPAGAWA NG CR MATAGAL NANG ISYU SA MGA SOLON
‘CONNECT, CONNECT, CONNECT’ PROGAMS SA 2021 NAT’L BUDGET IGINIIT
PANUKALANG VIROLOGY INSTITUTE, NILALAANAN NG P283-M SA 2021 BUDGET
BUDGET INAASAHANG AGAD NA MAIPAPASA
(Senado binira) PAGGASTA SA DDR INAYAWAN PERO P10B BUDGET SA SENATE BUILDING INAPRUBAHAN
Comments are closed.