INILUNSAD ng Department of the Interior and Local Government (DILG) katuwang ang Metropolitan Manila Development Authority (MMDA) at iba pang ahensya ng pamahalaan ang programang Kalinisan sa Bagong Pilipinas sa Baseco Compound nitong Sabado sa Maynila.
Layunin ng Kalinisan sa Bagong Pilipinas program na itaguyod ang malinis at mapayapang pamayanan sa pamamagitan ng pagsusulong ng wastong pamamahala ng basura at pagkilala sa mga pinakamalilinis na local government units (LGUs).
Kasabay nito, ang paghimok sa mga bagong halal na opisyal ng mga Barangay at Youth Council na nagsagawa ng mga aktibidad na may kinalaman sa programa.
Sa mensahe ni Pangulong Ferdinand R. Marcos Jr. kaugnay sa pagdiriwang ng Community Development Week, binanggit nito ang kahalagahan ng malinis at ligtas na pamayanan bilang mahalagang hakbang sa pagsugpo ng polusyon, pagbabago ng klima, at kriminalidad.
Hinimok din ng Pangulo ang pagbabawas ng paggamit ng single-use plastics at pagsusulong ng programa ng gulayan sa mga Barangay.
Kaya naman inaanyayahan ni PBBM ang lahat na makiisa sa Community Development Day sabay paalala na dapat hindi lamang ito ipagdiwang isang araw sa isang taon, bagkus araw-araw.
EVELYN GARCIA
Related posts:
MMDA PERSONNEL GINULPI NG KATRABAHO
STREET VENDORS SA MABUHAY LANE WINALIS NG MMDA
MGA BRGY. CHAIRMAN SA MAYNILA KINASTIGO NG DILG
ZERO-FIRE CRACKER INJURIES TARGET NG DILG
(Paalala ng DILG sa PNP at AFP) PAGSASAPUBLIKO NG LARAWAN INGATAN
HABAL-HABAL DRIVERS DUMARAING SA CRACKDOWN NG MMDA
(Source ng substandard materials hahantingin ng PNP) MGA GUSALI PINASUSURI NG DILG VS THE BIG ONE
62 KAWANI NG MMDA DINAPUAN NG COVID-19