HINDI lang ang mga action scene ng Cain at Abel ang dapat abangan sa bagong seryeng pinagsasamahan nina Dingdong Dantes at Dennis Trillo. Dapat din abangan ang mga maiinit na love 
scenes ng mga bida. Tulad ng mainit na love scene nina Dennis at Sanya Lopez. Siyempre hindi rin patatalo sina Dingdong at Solenn Heusaff.
Hindi lang maiinit na love scenes ang magpapainit sa tambalang Dingdong at Solenn dahil may bath tub scene pa sila na kung saan sabay silang naligo na bubbles lang ang tumatakip sa kanilang hubad na katawan.
Tulad ng laging sinasabi ni Solenn na gagawin niya ang eksena kung talagang kailangan at hindi na kailangan pilitin ang isang tulad niyang professional actress kung ano ang dapat gawin sa isang bath tub scene.
Ang tanong ay kung nag-init ba pareho sina Dingdong at Solenn na kapwa professional pagdating sa mge eksena na kailangang gawing makatotohanan.
Take note, hindi lang kay Dingdong may mainit na love scene si Solenn dahil may bed scene din ang sexy actress kay Fabio Ide.
Sa takbo ng istorya ay malalaman kung bakit nagawang lokohin ni Solenn si Dingdong kahit alam niyang mahal na mahal siya nito.
Isa pa sa pinagkakaabalahan ngayon ni Solenn ay ang kanyang Solenn Home na rugs na siya mismo ang gumawa at nag-design sa tulong ng Studio Soliven.
Samantala, may indie film na ginawa at tila tapos na si Solenn pero hindi pa namin nababalitaan kung nailabas na ito sa mga sinehan.
Isang manananggal ang role ni Solenn sa naturang indie film at hindi siya nagpa-dobol kapag siya ay nagiging manananggal. Topless si Solenn dito habang lumilipad tulad ng ginagawa ng isang manananggal.
ALDEN RICHARDS MAY ORAS NA PARA MAKIPAG-DATE
BIRO ng press kay Alden Richards na magkakaroon na siya ng oras na makipag-date at may oras na siya para sa lovelife ngayong tapos na ang kanyang Victor Magtanggol.
“Ngayon po, parang mas marami na akong oras,” pag-amin din ni Alden.
Ang problema lang ay hindi pa rin masabi ni Alden kung may natipuhan na ba siyang girl na mamahalin habambuhay.
Matagal na rin siyang walang lovelife dahil nga nakatali siya sa kanyang showbiz career at nakatali rin sa kanilang loveteam ni Maine Mendoza.
Sa ngayon nga ay pinag-uusapan na nga ang madalas na pagsasama nina Maine at Arjo Atayde pero wala pa rin namang kumpirmasyon si Meng kung sila na ba talaga ni Arjo?
Anyway, kung totoo na may namamagitan na nga kina Meng at Arjo ay walang problema ang dalawa dahil pareho silang loveless sa ngayon.
Anyway, may balita na balak daw gawing pelikula ang Victor Magtanggol na APT Production daw ang magpo-produce. Pero itinanggi ito ni Alden dahil wala pa raw siyang nababalitaan at sana nga raw ay totoo.
REGINE BINO-BOYCOTT NG NETIZENS
NAKALULUNGKOT naman kung totoo nga ang nakararating sa amin na dismayado raw sila kay Regine 
Velasquez magmula ng layasan ang home studio na matagal nangalaga ng kanyang singing at showbiz career.
Nandoon kapag nakikita at malalaman nilang guest daw si Songbirds sa isang programa or show ng Kapamilya ay kaagad daw inililipat ng mga ito ang programang guest ang sikat na singer.
Kahit na raw madalas panoorin ng mga ito ang programa pero kapag nag-guest daw si Regine ay hindi raw nangingimi ang mga ito na ilipat ng ibang programa dahil ayaw raw nilang makita ang singer/actress.
Nasaksihan ko mismo ang galit ng mga ito nang magpunta ako sa isang bahay ng kaibigan na nanonood ng programa pero biglang nilipat nang malaman na guest that day si Regine.
Well, sana naman ay hindi magtagal ang galit ng mga ito sa isang mahusay na singer/actress dahil may karapatan din naman si Regine na gawin kung ano ang gusto na ikaliligaya ng kanyang buhay.
