GUSTO ng aktor at dating National Youth Commission (NYC) commissioner na si Dingdong Dantes na makabalik sa Senado si re-electionist Sen. Bam Aquino dahil sa kanyang napakalaking nagawa sa mga kabataang Pilipino.
“Since the real survey is on E-day itself, and considering what he has contributed to the development of the young people in this country, i really hope he makes it,” wika ni Dingdong sa kanyang Twitter account.
Ayon kay Dingdong, natutuwa siyang makitang nakapasok sa Magic 12 ng Social Weather Stations (SWS) si Sen. Bam.
“I came across this news article from last week and i am happy to see Sen. Bam in the top 12,” saad pa ni Dingdong.
Sa survey na tinutukoy ng aktor, nasungkit ni Sen. Bam ang ika-12 puwesto na mayroong 29 porsiyento. Ang survey ay isinagawa mula Marso 28 hanggang 31 at nilahukan ng 1,371 respondents.
Nagpasalamat naman si Sen. Bam sa suporta ni Dingdong, at binati pa sa pagsilang ng kanilang anak na lalaki ni Marian Rivera.
“Thank you bro! Congratulations on your baby boy – from me, Timi and our girls. Miss ka namin sa pag-iikot! Next time, kampanya mo naman,” wika ni Sen. Bam.
Bukod kay Dingdong, marami na ring taga-showbiz ang nagpahayag ng suporta sa kandidatura ni Sen. Bam.
Una na rito ang pinsan ni Sen. Bam na si Kris Aquino, na kamakailan lang ay isinapubliko ang kanyang pagtulong sa isang press conference.
Nagpahayag na rin ng suporta si Bianca Gonzales, at ikinampanya pa ang senador sa kanyang social media account.
Comments are closed.