PARANAQUE CITY- NAGLAGAY ng disinfectant tent ang Manila International Airport Authority (MIAA) sa Ninoy Aquino International Airport (NAIA) habang sumasailalim ang bansa sa Enhanced Community Quarantine (ECQ) upang masawata ang paglawak ng coronavirus disease (COVID-19).
Ayon kay MIAA General Manager Ed Monreal , ang disinfectant tent ay nasa entrance ng departure area ng NAIA Terminal 1 upang masawata ang pagkalat ng virus.
Sinabi ni MIAA Public Affairs Office Chief Connie Bungag, ang disinfectant tent ay para matiyak na ligtas ang iba pang daraan sa paliparan mula sa coronavirus.
Sinabi pa ni Bungag na gumamit sila ng organic chemical at nakakatiyak na wala itong epekto sa mga balat ng tao. FROI MORALLOS
Comments are closed.