KINALAMPAG ni Senador Win Gatchalian ang Department of Energy (DOE) para matiyak ang energy security ng bansa matapos ang sunod-sunod na pagtaas ng presyo ng petrolyo sa pandaigdigang merkado na nagiging dahilan ng pagtaas ng inflation rate sa bansa.
Inihain ni Gatchalian ang Senate Resolution bilang 916 na nagnanais na magpatawag ng pagdinig sa Senado upang malaman kung ano ang mga plano at mga estratehiya ng DOE upang masiguro ang energy security at self sufficiency ng enerhiya sa bansa.
Sa kanyang resolusyon, iginit ni Gatchalian na higit na kailangan ng energy security para malabanan ang pagtaas ng presyo ng petrolyo sa world market.
Paliwanag ng senador, 44.7% ang ini-import na produktong petrolyo mula sa ibang bansa na ginagamit bilang energy supply.
Sa kanyang resolusyon ay sinabi ng senador, ang DOE ang naatasan na bilang mandato nito na siguraduhin ang supply ng enerhiya sa bansa at kung maari maging self sufficient ang gobyerno rito.
Aniya, sa pamamagitan ng mga exploration sa ating nasasakupan maaring magdagdagan ang enerhiya na dapat na agarang isinusulong ng DOE bukod pa rito ang koordinasyon sa mga iba’t ibang programa ng gobyerno para maging ganap na self sufficient at hindi umaasa sa importasyon ng petrolyo mula sa ibayong dagat. VICKY CERVALES
Related posts:
(Namumuro sa susunod na linggo)BIG-TIME OIL PRICE ROLLBACK
(Asahan sa susunod na linggo)BAWAS-PRESYO SA PETROLYO
(P1.30/L sa diesel; P0.70/L sa gasolina)PRESYO NG PETROLYO MAY ROLBAK
(Suplay ng koryente sapat – DOE)WALANG ROTATIONAL BROWNOUTS SA SUMMER
(Asahan sa susunod na linggo)TAAS-PRESYO SA PETROLYO
(P1.50/L sa diesel; P0.40/L sa gasolina)PETROLYO MAY DAGDAG-PRESYO
(Namumuro sa susunod na linggo)DAGDAG-BAWAS SA PRESYO NG PETROLYO
(Simula ngayong Martes)TAAS-PRESYO SA GASOLINA; DIESEL MAY ROLBAK
Comments are closed.