DOH NAGBABALA SA CARBON MONOXIDE POISONING (Sa paggamit ng generator)

BINALAAN kahapon ni Department of Health (DOH) – CALABARZON (Cavite, Laguna, Batangas, Rizal, Quezon) Regional Director Eduardo Janairo ang publiko laban sa paggamit ng generator sa kanilang mga tahanan dahil maaari aniya itong maging sanhi ng carbon monoxide poisoning, na maaaring makamatay sa loob lamang ng ilang minuto.

“Sa mga gumagamit ng mga portable generators, siguraduhin ninyong ito ay nakalagay sa labas ng inyong mga bahay. Huwag na huwag ninyo itong ilalagay sa loob dahil baka kayo ay malason dulot ng carbon monoxide,” babala pa ni Janairo.

Aniya, nakatanggap sila ng ulat hinggil sa umano’y carbon monoxide poisoning sa lalawigan ng Rizal dahil sa paggamit ng generators na inilagay sa loob ng tahanan at pinaiimbestigahan na aniya nila ito sa kamilang epidemiology team.

“For residents who owns generators including operators, make sure that they are placed safely outside and not in a confined area,” paalala pa niya.

Aniya, ang mga portable back-up generators ay nagpo-produce ng carbon monoxide gas na walang kulay at walang amoy at maaaring makamatay nang walang warning kung malalanghap sa mataas na lebel.

“Be sure that your unit is placed at least 20 feet away from your house, away from your windows and doors to avoid the gas getting into your home,” payo pa ni Janairo. “Also, check your sets for any leaks on its exhaust system and make sure it is properly maintained before using it. Always read the manual and follow the safety precautions listed.”

“For those using generators at home and are experiencing headache, dizziness, shortness of breath, confusion and vomiting, please proceed to the nearest health facility for consultation,” aniya pa.

Kaugnay nito, binalaan pa niya ang mga indibidwal na huwag gamitin ang kanilang mga sasakyan bilang portable aircon room dahil mapanganib rin ito.

“Please do not sleep inside your vehicles as this is also dangerous to your health for it also emits carbon monoxide and you can be at risk of inhaling it,” aniya pa. ANA ROSARIO HERNANDEZ