(DOLE nagpalabas ng guidelines) FREE COVID-19 VACCINES SA WORKERS

HINDI dapat pagbayarin ang mga manggagawa sa kanilang pagpapabakuna laban sa COVID-19, ayon sa guidelines na inisyu ng Department of Labor and Employment (DOLE) sa vaccination sa workplace.

Sa Labor Advisory No. 3 Series of 2021 ng DOLE ay itinakda ang guidelines para sa pribadong sektor na nais pabakunahan ang kanilang mga empleyado kontra COVID-19.

Ayon sa guidelines na nilagdaan ni Labor Secretary Silvestre Bello III, ang mga kompanya ay maaaring bumili ng COVID-19 vaccines, supplies, at iba pang serbisyo.

Maaari ring humingi ng suporta ang mga kompanya mula sa mga kinauukulang ahensiya ng pamahalaan sa procurement, storage, transport, deployment, at administration ng COVID-19 vaccines.

Libre ang bakuna para sa mga empleyado.

“No cost of vaccination in the workplace shall be charged against or passed on, directly or indirectly to the employees,” nakasaad sa advisory.

Ang mga workplace ay minamandato ring hikayatin ang mga empleyado na magpabakuna.

Sinabi rin ng DOLE na hindi dapat magkaroon ng diskriminasyon laban sa isang empleyado na tumanggi o nabigong magpabakuna.

“Any employee who refuses or fails to be vaccinated shall not be discriminated against in the terms of tenure, promotion, training, pay, and other benefits, among others, or terminated from employment,” anang ahensiya.

Related posts:

(Pinag-aaralan ng DOLE) VAX VS COVID SA OPISINA NG WORKERS (DOLE sa private sector) COVID-19 VAX ILIBRE SA MGA EMPLEYADO (Apela sa DBM, DOF, DOLE) WORKERS AYUDAHAN SA 2-WEEK ECQ (Makararanas ng side effects ng COVID-19 vaccine) SPECIAL EMERGENCY LEAVE SA WORKERS DICT ITINALAGANG COVID-19 VACCINE INFO HUB CDO FOODSPHERE LAUNCHES VACCINE INFORMATION CAMPAIGN PAGPAPABILIS SA PAGDATING NG BAKUNA MAGAWAN SANA NG PARAAN COVID-19 VACCINATION PROGRAM  BILL  LUSOT NA SA SENADO!