NAGLABAS ng guidelines ang Department of Labor and Employment (DOLE) para sa mga employer at mga manggagawa para sa karagdagang bayad ng mga empleyadong papasok sa mga holiday ngayong Abril, partikular ngayong Semana Santa.
Ayon sa DOLE, kapag hindi pumasok ang isang empleyado sa isang regular holiday, babayaran siya nang naayon sa kaniyang araw-araw na sahod habang doble naman ang bayad sa mga mangagawa na papasok sa regular holiday.
Kapag nag-overtime ang nasabing empleyado mula Abril 18 hanggang 19, sa Huwebes at Biyernes Santo, may 30 porsiyentong dagdag sa kaniyang hourly rate.
Makatatanggap naman ng karagdagang 200 porsiyento ng kanyang basic pay at Cost of Living Allowance (COLA) kasabay ng 30 porsiyento ng daily rate na 200 porsiyento at basic pay ang mga empleyadong papasok tuwing regular holiday kahit araw ito ng kanyang pahinga o day off.
Kapag pumasok naman sa Sabado de Gloria ang isang empleyado ay makatatanggap siya ng sahod na mas mataas ng 30 porsiyento sa kaniyang daily rate sa unang walong oras.
Kapag nag-overtime ang manggagawa sa isang special non-working holiday, makatatanggap siya ng 30 porsiyento dagdag sa kada oras na itinrabaho niya sa araw na iyon.
Ipapatupad ang “no work, no pay” policy sa mga hindi magtatrabaho sa Sabado de Gloria, maliban na lang kung may kasunduan ang kompanya na dapat bayaran ang mga nabanggit na empleyado tuwing special non-working holiday.
May dagdag na 50 porsiyento sa pang-araw-araw na sahod kung magtatrabaho sa special holiday ang isang empleyado kahit na rest day niya sa araw na iyon. VERLIN RUIZ
Related posts:
DOLE NAGPAALALA SA HOLIDAY PAY SA DEC. 8
(DOLE nagbabala) PEKENG TRABAHO SA CANADA
(DOLE naghahanda na) PAG-UWI NG OFWs SA KOREA
(Mga employer hinimok ng DOLE) I-AVAIL ANG TULONG SA WORKERS
P5-B DAGDAG-PONDO IHIHIRIT NG DOLE PARA SA CASH AID NG WORKERS
₱40-B BUDGET PARA SA 3- BUWANG WAGE SUBSIDY HILING NG DOLE
SEN. GO SA DOLE AT DTI: HANAPAN NG PANGKABUHAYAN ANG MGA NAWALAN NG TRABAHO
DOLE AT OWWA NAMIGAY NG PAMASKONG PASALUBONG SA MGA OFW SA NAIA