DOUBLE WHAMMY SA LOLO NA NABANGGA AT NAGULUNGAN

NEGROS OCCIDENTAL – PATAY ang isang lolo nang mabangga ito at magulu­ngan ng mga sasakyan sa Bacolod City noong gabi ng Linggo.

Lumalabas na papatawid ng kalsada sa Araneta Street, Barangay Sumag ang biktimang si Eduardo Enriquez nang masalpok ito ng isang motorsiklo, base sa kuha ng closed-circuit television (CCTV) camera.

Nakita sa video na  napahiga ang biktima sa gitna ng kalsada at nagawa pang iwasan ng  isang passenger jeepney asubalit nagulungan naman ito ng  kasunod na bus at tricycle.

Ayon kay Police Capt. Jun Ray Batadlan, hepe ng Bacolod City Police Office na ang nakabanggang motorsiklo ang may kasalanan sa nangyari.

Tinitingnan na rin ng pulisya kung may pananagutan ang mga driver ng bus at tricycle sa paggulong sa biktima na pare-parehong nag-hit and run.

Nanawagan si Batad­lan sa mga dri­ver ng motorsiklo, bus at tricycle na sumuko upang hindi na pabi-gatin pa ang kaso. VERLIN RUIZ