MALABON CITY – ISANG bus driver at kanyang konduktor ang arestado matapos maaktuhan ng mga pulis na sumisinghot ng shabu sa loob ng kanilang bus sa Malabon City.
Kinilala ni Malabon police chief P/Col. Jessie Tamayao ang naarestong driver na si Victor Morbos, 39-anyos, ng 1 Brgy. Potrero, at kanyang konduktor na si Hermelito Oyan, 31-anyos, tubong Zamboanga, Sibugay.
Sa imbestigasyon ni PMSg Jun Belbes, alas-3:40 ng madaling araw, nagpapatrolya ang mga tauhan ng Malabon Police Community Precinct (PCP) 2 na sina PCpl. Florence Mel Lpoez at PCpl Brent Lucas ng Brgy. Potrero nang mapansin nila ang Baclaran Metro Link Bus na may body number 1939 na tila walang tao habang nakaparada sa Guava Street.
Nang tignan ng mga pulis ang loob ng bus, naaktuhan nila ang mga suspek na magkaharap habang sumisinghot ng shabu.
Narekober sa mga suspek ang disposable lighter, dalawang aluminum foil at plastic sachet ng shabu na tumitimbang ng 0.89 grams at may street value na P6,052 ang halaga.
Ayon kay Col. Tamayao, sasampahan ang mga naarestong suspek ng kasong paglabag sa R.A. 9165 o Comprehensive Dangerous Drug Act sa Malabon City Prosecutor’s Office. EVELYN GARCIA
Related posts:
DRIVER NASOBRAHAN SA SEX ENHANCERS GRABE
E-TRIKE DRIVER NA DATING MAY KASO DINALE
ABOGADO AT DRAYBER PINAGBABARIL NG TRIO RIDERS
DRIVER NG AMBULANSIYA HINARAS NG DENTISTA
MAG-UTOL SABAY BUMATAK NATIKLO NG PARAK
LOLA, BUNTIS AT 2 PA TIMBOG SA POT SESSION
TRIKE DRIVER BALIK-SELDA SA DRUG TRADE
DRIVER, PAHINANTE TIKLO SA PANUNUHOL
Comments are closed.