NUEVA VIZCAYA- ISANG dentista ang inaresto ng PNP Sta. Fe, matapos na ireklamo ng driver ng ambulansiya na umano’y nanunutok ng baril at pagbantaan siya sa National Highway, Brgy. Banggot, Bambang.
Kinilala ng PNP Sta. Fe ang suspek na si Apolonio Padron, 52, dentista, residente ng Quezon City, habang ang tsuper ng ambulansiya ay si Victorino Espirito, 64, at residente ng Villa Flores, Sta. Fe, Nueva Vizcaya.
Ayon sa biktima, habang nagmamaneho siya ng ambulansiya upang dalhin ang isang pasyente sa hospital nang bigla na lang tumawid sa highway ang isang sports utility vehicle kaya napahinto siya.
Matapos nito ay bigla na lang ibinaba ng suspek ang bintana ng kanyang sinasakyan saka tinutukan ng baril ang tsuper ng ambulansiya saka nambulyaw at nagbanta.
Dahil sa pagtutok at pagbabanta ng suspek ay mabilis na tumawag ang isa sa pamilya ng pasyente na lulan ng nasabing ambulansiya sa Sta. Fe Police Station na nagtatag ng check point.
Nang mapansin ng suspek na may checkpoint sa kanyang daraanan ay tumakas kaya agad namang hinabol ng awtoridad hanggang makorner. IRENE GONZALES
Related posts:
DUWELO NG DRIVER AT PAHINANTE, 1 NAPURUHAN
TRUCK SINISI SA PAGKAMATAY NG DRIVER AT PAGKASUGAT NG LIMA
E-TRIKE DRIVER NA DATING MAY KASO DINALE
ABOGADO AT DRAYBER PINAGBABARIL NG TRIO RIDERS
AMBULANSIYA BUMANGGA SA POSTE FRONTLINER NADALE, BUNTIS LIGTAS
16 AMBULANSIYA AYUDA NG DOH SA CALABARZON
TRIKE DRIVER BALIK-SELDA SA DRUG TRADE
DRIVER, PAHINANTE TIKLO SA PANUNUHOL
Comments are closed.