BULACAN-NALANSAG ng mga tauhan ng Philippine Drugb Enforcement Agency (PDEA) ang isang drug den at naaresto ang limang drug suspects sa isinagawang anti narcotics kamakalawa ng hapon sa lalawigang ito.
Ayon sa ulat na isinumite kay PDEA Director General Wilkins Villanueva isang buy bust operation ang ikinasa ng kanyang mga tauhan sa Minuyan Proper ng San Jose Del Monte, Bulacan na ikinaaresto ng mga suspek na sina Arturo Trinos y Albuera, 49 anyos; Norilyn Mariano y Bacon, 43-anyos; Roselyn Mariano y Bacon, 17-anyos; Annalyn Dupra y Bacon, 40-anyos at Sanny Bernardo y Navaro, 46-anyos na pawang mga residente ng nasabing lugar.
Nakuha sa anti-drug operation ang 12 pirasong heat sealed transparent plastic sachet na naglalaman ng 50 gramo ng shabu na tinatayang may street value na P400,000.00, sari-saring mga gamit sa droga at marked money.
Sasampahan ng kasong paglabag sa Comprehensive Dangerous Drugs Act of 2002 ang mga suspek.
VERLIN RUIZ
