BULACAN- TINATAYANG aabot sa P306 K halaga ng shabu ang nakumpiska ng mga pulis sa ikinasang buy bust operation laban sa apat na lalaki na sangkot sa pagbebenta ng ilegal na droga sa Brgy, Poblacion sa bayan ng Baliuag sa lalawigang ito.
Base sa inisyal na imbestigasyon ng mga tauhan PNP Drug Enforcement Unit, ganap na ala-5:30 ng madaling araw nang mapasok ang drug den sa nabangit na lugar.
Kinilala ng mga awtoridad ang mga nadakip na suspek na sina Noel Cayetano alyas Buchog; Rolando Perez; Luisito Gregorio at James Perez, pawang mga residente sa Brgy. Poblacion.
Nakumpiska sa kanila ang 9 na plastic sachet ng shabu, drug paraphernalias at marked money.
Samantala detenido ngayon ang mga suspek sa Baliuag Municipal Jail sa kasong paglabag sa RA 9165.
THONY ARCENAL