BULACAN- ARESTADO ang apat katao sa isinagawang buy bust operation ng mga tauhan ng Philippine Drug Enforcement Agency (PDEA) sa isang drug den sa Barangay Muzon sa siyudad ng San Jose del Monte SA lalawigang ito.
Kinilala ang mga nadakip na sina Bensil Alar Pepito 33-anyos; Iris Lei Linaza Bondola 24-anyos; Arthur San Antonio Paez, 31- anyos at Henry Sapi Padilla, 36- anyos na pawang mga residente sa nabangit na lugar.
Sa paunang imbestigasyon ng mga awtoridad, ganap na alas- 11:30 ng umaga nito Huwebes nang isagawa ang drug operation.
Nakuha ng mga tauhan ng PDEA sa loob ng drug den ang nasa 15 gramo ng shabu na nagkakahalaga ng P103,500.00, assorted drug paraphernalias at marked money.
Samantala kasong paglabag sa Republic Act 9165 or the Comprehensive Dangerous Drugs Act of 2002 ang isasampa laban sa mga suspek.
THONY ARCENAL