QUEZON CITY – ANIM katao ang naaresto ng mga tauhan ng Quezon City Police District (QCPD) na pinamumunuan ni CS Joselito Esquivel Jr. nang salakayin ang umano’y drug den sa Kamuning Road.
Nakatanggap ng ulat ang pulisya na ginagamit ang bahay bilang drug den.
Bitbit ang search warrant nagkasa ng operasyon ang mga pulis bago mag-alas-4:00 ng madaling araw ng Biyernes.
Nang dumating sa bahay ang mga awtoridad nadatnan ang ilang mga lalaki na nahulihan ng mga ilegal na droga.
Sa paghahalughog sa bahay ay may mga nakuha ring bala at baril sa pag-iingat ng mga suspek. PAULA ANTOLIN
