QUEZON – NADAKMA ng awtoridad ang isang drug personality sa gitna ng buy bust operations sa Santo Niño Subdivision, Barangay Malabanban Norte, Candelaria.
Kinilala ang suspek na si Renz Leo Lat, 27-anyos, residente sa nasabing lugar.
Nabatid na una nang nagsagawa ng operasyon ang mga awtoridad at dito nahuli ang naturang salarin.
Narekober din sa suspek ang nasa 30 sachet ng pinaniniwalaang shabu na tinatayang aabot sa 6.44 grams ang timbang at aabot sa P43,792 ang halaga.
Sa ngayon nananatili na sa kustodiya ng mga awtoridad ang suspek para sa karampatang disposisyon.
AIMEE ANOC
Comments are closed.