ZAMBALES-UMAABOT sa P355-K halaga ng shabu ang nakumpiska ng mga awtoridad sa buy bust operation sa bayan ng San Marcelino sa lalawigang ito.
Sa report na ipinadala ni Maj.Teddy Padauan kay PNP Provincial Director Col.Fitz Macariola, kinilala ang suspek na si Hamel Solaiman Mendalano, 31-anyos ng Brgy, Linusungan sa nabangit na bayan.
Nasamsam sa suspek ang 44 piraso ng plastic sachets ng shabu na tumitimbang ng 54.7 gramo.
Nadakip ang suspek sa Brgy San Guillermo sa bayan ng San Marcelino nitong Lunes ng umaga.
Samantala detenido ngayon ang suspek sa San Marcelino Municipal Jail na nahaharap sa kasong paglabag sa RA 9165 na Comprehensive Dangerous Drugs Act of 2002. THONY ARCENAL