ARESTADO ang dalawang hinihinalang drug personalities matapos makuhanan ng higit sa P100,000 halaga ng shabu sa bust operation ng pulisya sa Valenzuela city, kamakalawa ng gabi.
Kinilala ni Valenzuela police chief Col. Ramchrisen Haveria Jr, ang naarestong mga sina Ricardo Carriedo, 45 ng 292 Canumay West at Eduard Plano, 37 ng 72 Rubber Master, Lingunan.
Sa imbestigasyon ni PSSg Ana Liza Antonio, dakong alas-9:20 ng gabi nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation sa Rubber Master St., Bukid, Brgy. Lingunan.
Kaagad dinamba ng mga operatiba ang mga suspek matapos bentahan ng P500 halaga ng shabu ang isang pulis na nagpanggap na buyer ng iligal na droga.
Nang kapkapan, nakumpiska sa mga suspek ang anim na plastic sachets na naglalaman ng nasa 15 gramo ng hinihinalang shabu na tinatayang nasa P102,000 ang halaga, buy bust money, P460 cash, cellphone at pouch. EVELYN GARCIA
384745 184524i could only wish that solar panels cost only several hundred dollars, i would really like to fill my roof with solar panels- 280444
212746 53055Wow, incredible blog layout! How long have you been blogging for? you make blogging look easy. The overall look of your web site is great, as nicely as the content material! xrumer 423508