QUEZON – MUNTIK tamaan ng bala ng baril ang isang operatiba ng Lucena-PNP/CDEU matapos umanong barilin ng drug suspect sa isinagawang buy bust operation sa Purok 7, Sta. Theresa, Brgy. Dalahican Lungsod ng Lucena kamakalawa.
Batay sa report ng Lucena-PNP, dakong alas-4:30 ng hapon nang isagawa ang buy bust sa lugar at positibong nakabili ng shabu ang nagpanggap na buyer na pulis na si PSSG Henry Mago at nang aktong huhulihin na ang suspek ay biglang bumunot umano ng kalibre 38 na baril at pinaputukan ang pulis.
Mabilis namang nakaganti ng putok ang back up na si PSSG John Patrick Leis at tinamaan ang lumaban na suspek na si Zander Martinez alyas Tisoy, residente ng nasabing barangay na naging sanhi ng agad nitong pagkamatay.
Narekober ng SOCO kay Martinez ang mga plastic ng shabu, marked money at ang baril na ginamit laban sa mga operatiba. BONG RIVERA
Comments are closed.