NILINAW ng Metropolitan Manila Development Authority (MMDA) na magsasagawa muna sila ng dry-run bago tuluyang hilingin sa mga local government unit (LGU) na ikansela na ang business permit ng mga provincial bus terminal sa EDSA.
Ayon kay MMDA General Manager Jojo Garcia, susubukan muna nila kung magiging epektibo ang naturang hakbang at upang malaman kung ano ang mga lilitaw na problema kaugnay rito.
Nasa halos 50 provincial bus terminals sa EDSA ang maituturing na dahilan ng mas mabigat na daloy ng trapiko sa naturang kalsada.
Idinadaing din ni Garcia ang ginawang pamimihasa ng mga bus operator sa mga pasahero na pinapayagang bumaba sa bahagi ng West Avenue, Cubao, Ortigas at Ayala na mga lugar na hindi pinapayagang gawing babaan sa ilalim ng kanilang franchise.
Paliwanag ni Garcia, point to point lang talaga ang prangkisa ng provincial buses mula sa pinanggalingang probinsya hanggang sa kanilang terminal lamang.
Nakatakdang isagawa ang dry run para rito pagkatapos ng Holy Week at inaasahang ipatupad ang terminal closure sa Hunyo. KIMBERLIE MONTANO-DWIZ882
Related posts:
PAG-EXEMPT SA 195 BUS SA PITX KINUWESTIYON
TOTAL BAN SA PROV’L BUS SA EDSA
(Pinag-aaralan ng MMDA) “WINDOW HOUR” SA PROV’L BUS
MMDA DADALHIN SA CONCERNED AGENCIES ANG HINAING SA BUS BAN SA EDSA
(Iminungkahi sa Kamara) ‘ODD-EVEN’ SCHEME SA BUS ROUTES
DRY RUN PARA SA OPENING NG SEAGAMES MATAGUMPAY
JEEP, BUS BAWAL PA RIN KAHIT GCQ NA
NCR INIREKOMENDANG GCQ NA: JEEP BAWAL PA RIN, BUS 50% LANG ANG PAPASADA
Comments are closed.