DTI-12 NAGBUKAS NG SERVICE FACILITIES PARA SA MSMEs

NAGTAYO ang Department of Trade and Industry (DTI) ng dalawang service facilities sa Gensan para matulungan at maitaguyod ang pag-unlad ng micro, small and medium enterprises (MSMEs).

Sa pahayag kama­kailan ni Dorecita Delima, DTI Region 12 (Soccsksargen) director, na nagbukas  na sila ng isa pang Ne-gos­yo Center at ang kauna-unahang One Town, One Product Philippines (OTOP Ph) Hub  sa rehiyon para maka-engganyo at mapalawak ang kanilang serbisyo sa MSMEs.

Dagdag pa nito, na ang bagong Negos­yo Center, ika-53rd sa rehiyon, ay nasa City Government’s Investment and Tourism building at sa OTOP Ph Hub sa ikalawang palapag ng SM City Mall.

Nagsimula ang dalawang pasilidad sa kanilang operas­yon nitong nakaraang linggo kasunod ng kanilang inagurasyon noong Biyernes na dinaluhan ni DTI Assistant Secretary Demphna Du Naga ng Regional Operations Group.

Ang pangalawang Negosyo Center ay kompleto o Model A at magkokomplemento sa operasyon ng kasalukuyang center sa R.A. Building sa Osmeña Avenue.

Ang center ay may inatasan na magbigay ng business registration assistance, business advisory services, at business in-formation and advocacy.

Ang pasilidad na ideyal para sa mga probinsiya, siyudad, at first-class municipalities, ay may mga business counselor sup-port staff mula sa local government. Ito ay may reception area, lalo na ng receiving counter, Phi­lippines Business Re­gistry kiosk, computers, lounge at library; consultation at meeting room; working area, at training room.

“This is basically built to serve the increasing needs and the increasing number of MSMEs in the region, specifically in Gene­ral Santos City, which is the region’s center of economic activity,” sabi ni Delima.

Ang OTOP Ph Hub ay naglalayon na dalhin sa merkado ang iba’t ibang produkto ng ma­liliit na negos­yo sa rehiyon, gayundin na tulungan ang MSMEs sa pagtatayo ng kanilang brand at tugunan ang mga pag­hamon na kanilang kinakaharap pagdating sa market access.

Bago makarating ang mga produkto sa mga kilalang groce­ries, supermarkets, department stores, at concept retail stores, ito ay mangangaila­ngan ng “well-branded, reliable, at ma­naged outlet” upang  madaling makita ang mga produktong ito.

“This will benefit more MSMEs that are categorized as export-ready or those that di­ligently went through the needed product development efforts,” aniya.

Binanggit ni Delima sa mga benepisyaryo sa rehiyon ng OTOP Next Gen prog­ram ng ahensiya, na naglalayon na ia­ngat ang mga produkto at serbisyo na inihahandog ng MSMEs. PNA