PINAGPAPALIWANAG ni Trade Secretary Alfredo Pascual ang dalawang pinakamalaking e-commerce platforms sa bansa hinggil sa napaulat na “deceptive, unfair, fraudulent at unconscionable online sales practices”.
Kasunod ito ng mga natanggap na ulat ng Department of Trade and Industry (DTI) na nagbebenta ang mga scammer ng defective, fake at pirated products online.
“I have already issued a letter addressed to two big e-commerce platforms for them to remove unregistered and unlicensed online merchants. Following numerous notifications, they were given 72 hours to explain,” wika ni Pascual.
Binigyang-diin ng ahensiya na ang pagbebenta ng fraudulent goods ay isang paglabag sa e-commerce laws.
“I assure Filipino consumers that we are here to promote and protect their welfare and make sure that these sellers will be made accountable. As we promote the use of e-commerce platforms, we want to make sure that these spaces will be safe for consumers,” aniya.
Maaari ring i-report ng mga consumer ang mga violator via Consumer Care Hotline sa DTI (1-384) o consumercare@dti.gov.ph.
