DUTERTE ‘DI MAGDADALAWANG-ISIP SA PAGSASALEGAL SA MARIJUANA

HINDI magdadalawang isip si Pangulong Rodrigo Duterte na lagdaan upang maging ganap na batas ang panukalang pagsasalegal sa medical marijuana sa bansa.

Kasalukuyang uma­andar na  sa Kamara ang House Bill number 6517 na naglalayong gawing legal ang paggamit ng marijuana bilang gamot sa mga may kapansanan.

Sinabi ni  Chief Presidential Legal Counsel at Presidential Spokesman Secretary Salvador Pa­nelo, matagal nang sinabi ni Pangulong Duterte ang kanyang posisyon sa pagsasalegal sa medical mari­juana at handa itong lagdaan ang panukala para maging ganap na batas.

Ayon pa kay Panelo,  kailangang magkaroon ng mahigpit na regulasyon upang matiyak na hindi maaabuso  ang paggamit  ng marijuana bilang gamot sa mga tunay na nangangaila­ngan nito.

Muling nabuhay ang usapin sa medical marijuana matapos  na direktang sagutin ni Miss Universe 2018 Catriona Gray ang  tanong na may kaugnayan sa legalisasyon ng marijuana.

Suportado rin ng ­Philippines Drugs Enforcement Agency (PDEA) ang naging opinyon ni Gray. “Miss Universe herself said no to recreational use, and that is our same stand. Because recreational use are those who consume the plant or any part of it,” pagsasang-ayon ni Carreon.

“If you are a doctor, you don’t say you take one stick a day. It is not the case. You don’t use the plant or a part of it for medicine. It is in controlled amount, extracted, in a tablet, capsule or vial. If it is a medical preparation, with minimal amounts, then logically there is good use for it because it has already been proven in certain studies,” paliwanag pa ng tagapagsalita ng PDEA.