MAAYOS ang kalagayan ni Pangulong Rodrigo Duterte, tiniyak ito ni Special Assistant to the President Bong Go matapos ang pagtama ng malakas na lindol sa Bali, Indonesia.
“Nagising siya. Ok lang naman,” pahayag ni Go.
Nakipagkita ang Pangulo sa kanyang Cabinet officials at pinag-usapan ang tungkol umano sa tsunami na posibleng kasunod ng lindol.
Nasa Bali si Duterte para dumalo sa Association of Southeast Asian Nations (Asean) at annual meetings ng International Monetary Fund and World Bank.
Base sa ulat, ang magnitude 6 na lindol sa Bali Sea ay kumitil ng tatlo katao sa katabing Java Island, at may mga gusaling nawasak.
Namataan ang epicenter ng malakas na lindol sa Bali Sea sa 40 kilometres (25 miles) silangan ng Java island, ayon sa USGS at naramdaman din sa Denpasar sa isla ng Bali.
Nitong buwan ng Setyembre, tumama ang magnitude 7.5 na lindol na sinundan ng tsunami sa isla ng Sulawesi, Indonesia na ikinasawi ng mahigit 2,000 katao.
Agosto naman, isa pang lindol ang tumama sa Lombok, Indonesia na pumatay naman sa 550 indibidwal.
Related posts:
PAGGUHO NG LUPA SA MINDANAO IBINABALA NG DENR MATAPOS ANG LINDOL
P2-M EMPLOYMENT ASSISTANCE SA WORKERS NA NILINDOL
(Apela ng Malakanyang) KALMA LANG SA LINDOL
DASAL PARA SA MGA BIKTIMA NG LINDOL SA DAVAO HINILING
PUBLIKO PINAALALAHANAN SA NAKAAMBANG INTENSITY 8
SARANGANI NIYANIG NG 6.1 MAGNITUDE QUAKE
5.7 MAGNITUDE QUAKE SA OCCIDENTAL MINDORO
MAGNITUDE 5.9 LINDOL SA MINDORO, RAMDAM SA METRO MANILA
Comments are closed.