DUTERTE NAKIISA SA PAGGUNITA SA KAMATAYAN NI RIZAL

NAKIISA  kahapon si Pangulong Rodrigo Roa Duterte sa paggunita sa ika-122  anibersaryo ng kamatayan ni Dr. Jose Rizal.

Sa mensahe ng Pangulo, ang araw na ito ay tanda ng matagumpay na okasyon na sumasalamin sa pamana ng Pambansang Bayani na si Gat. Jose Rizal.

Ang matapang na buhay at inspirasyong  ginawa ni Rizal ay naging instrumento para pukawin ang pinagsama-samang kamalayan upang pag­yamanin ang mga Filipino at nagkakaisang lumaban sa mga taong mapang-api.

Inaalala rin umano ng sambayanan si Rizal bilang beacon of valor at simbolo ng pagkakaisa sa panahon ng kadiliman, kawalan ng katarungan at kaguluhan na umiiral sa bansa.

Maging sa kamata­yan, ang magandang ha­limbawa ni Rizal ay magpapatuloy para hikayatin ang lahat habang isinusulong  ang daan para tugunan ang mga sakit sa lipunan na hinaharap ngayon.

Hiling ng Pangulo na  gamitin itong pagkakataon ng lahat upang dakilain si Rizal sa pag­hubog sa ka-saysayan bilang bansa.