TINIYAK kahapon ng Malakanyang na dadalo si Pangulong Rodrigo Roa Duterte sa handover o seremonya sa pag-sasalin ng Balangiga bells sa Samar sa darating na Sabado, Disyembre 15.
Paglilinaw ito ni Presidential spokesperson Salvador Panelo kaugnay sa ulat na hindi pagdalo ng Pangulo para pangunahan ang pag-uwi sa mga kampana na 117 taong nasa Amerika at Korea matapos tangayin ng mga sundalong Amerikano.
“The President will instead be in Samar on December 15, Saturday, to turn over the bells to Balangiga officials. I hope this clarifies the matter,” ayon kay Sec. Panelo.
Sinabi pa niya na inirekomenda ni Secretary of National Defense Delfin N. Lorenzana na sa Samar na lamang dumalo ang Pangulo sa halip na sa Villamor Air Base.
Ayon pa kay Panelo, dahil pupunta na ang Pangulo sa bayan ng Balangiga sa Samar ay hindi na ito sasalubong sa Villamor Air Base sa Pasay.
Wala namang pahayag si Sec. Lorenzana kung bakit mas pinili ng Pangulo ang Samar kaysa sa Villamor Air Base sa pagsalubong sa mga pagsasauli sa mga kampana. E QUIROZ
Related posts:
MAKASAYSAYANG BALANGIGA BELLS IBABALIK NG AMERIKA
SEREMONYA SA PAGBABALIK NG BALANGIGA BELLS SISIMULAN
CBCP NAGPASALAMAT SA PAGBABALIK SA BALANGIGA BELLS
TODO BANTAY SA BALANGIGA BELLS
‘GO SIGNAL’ SA BALANGIGA BELLS PINAGHAHANDAAN NA
PAGSALUBONG SA BALANGIGA BELLS GAWING PAYAPA-DFA
(Sa simula ng Simbang Gabi sa Leyte) BALANGIGA BELLS KAKALEMBANG NA
BALANGIGA BELLS DINARAYO
Comments are closed.