DYIP SINIBAK NG BOLTS

Mga laro ngayon:

DHVSU Gym, Bacolor, Pampanga

12:30 p.m.- NorthPort vs Magnolia

3 p.m. – San Miguel vs Phoenix

6 p.m. – Ginebra vs Alaska

HINDI kinakitaan ng pangangalawang ang Meralco mula sa mahabang pahinga at hindi ininda ang pagkawala ng dalawang key players nang gapiin ang Terrafirma, 95-83, sa PBA Philippine Cup kahapon sa Don Honorio Ventura State University Gym sa Bacolor, Pampanga.

Naging sandigan ni Meralco coach Norman Black sina Bong Quinto at Anjo Caram kung saan nagsalitan sila sa pangunguna sa malaking bahagi ng laro bago nakipagsanib-puwersa sina Reynel Hugnatan at Raymond Almazan para sa fourth quarter surge na tuluyang naglayo sa Bolts sa Dyip.

Sa huli ay napatatag ng Meralco ang kapit sa ikalawang puwesto na may 6-2 kartada para sa huling win-once advantage sa quarterfinals.

Hindi inaasahan ni Black ang panalo ng kanyang tropa dahil galing sila sa mahabang bakasyon magmula sa kanilang huling laro noong Sept. 3 kung saan ilang miyembro ng koponan ang kinailangang sumailalim sa health and safety protocols ng liga.

“It just happened that way. I thought that by the time we came back to the games the other teams would be ahead of us,” pag-aamin ni Black. “But certain teams losing to certain teams kept us in second place.”

Sa pagkatalo, ika-7 sa 10 games, ay tuluyan nang nasibak sa kontensiyon ang Terrafirma.

Nanguna sina Aldrech Ramos na may 15 points at Joseph Gabayni na may double-double na 14 point at 10 rebounds para sa Dyip, na sisikaping maging maganda ang pagtatapos kontra Alaska sa Linggo.

Si Black ay inasistihan sa laro nina Gene Afable at Patrick Fran at naglaro ang Bolts na wala sina Cliff Hodge at Chris Newsome.

Starting playmaker Aaron Black also exited the game early after injuring his right hand in a collision with Joseph Gabayni.

Anim na Bolts ang umiskor ng double figures, sa pangunguna ni Quinto na may 17 at 8 rebounds. Kumamada si Caram mula sa bench ng 13 points, 5 assists at 3 steals at ang dalawa ang naging responsable sa pananatili ng koponan sa trangko.

Sa ikalawang laro ay balik sa porma ang NLEX nang pulbusin ang wala pang panalong Blackwater, 90-73.

Umangat ang Red Warriors sa 5-5 kartada habang nalasap ng Bossing ang ika-10 sunod na pagkabigo.              CLYDE MARIANO

Iskor:

Unang laro:

Meralco (95) – Quinto 17, Caram 13, Maliksi 12, Almazan 11, Hugnatan 10, Pasaol 10, Belo 9, Jackson 5, Pin-to 4, Baclao 2, Jamito 2, Black 0, Jose 0, Hodge 0, Newsome 0

Terrafirma (83) – Ramos 15, Gabayni 14, Tionson 10, Celda 10, Calvo 9, Batiller 9, McCarthy 4, Ganuelas-Rosser 4, Adams 2, Laput 0, Alolino 0, Cahilig 0, Balagasay 0.

QS: 25-19, 50-49, 73-70, 95-83

Ikalawang laro:

NLEX (90) -Quinahan 16, Paniamogan 14, Trollano 12, Ighalo 11, Alas 10, Porter 8, Cruz 8, Oftana 4, McAlo-ney 3, Miranda 2, Soyud 2, Ayonayon 0, Semerad 0, Galanza 0.

Blackwater (73) – Enciso 17, Cruz 14, Torralba 10, Canaleta 6, Golla 6, Magat 6, Daquioag 5, Desiderio 4, Tolomia 3, Escoto 2, Paras 0, Semerad 0, Dennison 0, Amer 0, Nabong 0.

QS: 28-22, 46-38, 70-58, 90-73