EALA AYAW PAAWAT, ABANTE SA SINGLES SEMIS, DOUBLES FINALS

PATULOY ang pananalasa ni Filipina teen sensation Alex Eala sa JA Trofeo Bonfiglio tournament sa Italy.

Nagmartsa si Eala, ang No. 1 seed kapwa sa girls’ singles at girls’ doubles draws, sa semifinal round sa singles tournament at lalaro para sa titulo sa doubles.

Tinalo niya si Sofia Costoulas ng Belgium, 7-6 (5), 4-6, 6-4, sa quarterfinal round ng singles draw bago nakipagtambalan kay American Madison Sieg upang pataubin ang Russian pair nina Kira Pavlova at Diana Shnaider, 6-3, 6-4, sa doubles semis upang umabante sa finals.

Sa singles semifinals ay makakasagupa ni Eala si Mirra Andreeva ng Russia para sa isang puwesto sa finals.

Makakaharap naman nina Eala at Sieg sina Costoulas at Croatian teammate Lucija Ciric Bagaric sa doubles finals.

Noong Hunyo ay nakopo ni  Eala ang doubles title sa French Open subalit nasibak sa second round kapwa sa singles at doubles sa Wimbledon kamakailan.

Related posts:

EALA SA US OPEN JUNIORS SEMIS EALA SA US OPEN JUNIORS FINALS (Umukit ng kasaysayan)EALA NASIKWAT ANG US OPEN JUNIOR CROWN JOB WELL DONE, ALEX! 2024 PARIS OLYMPICS TARGET NI ALEX EALA ALEX EALA TODO PAGHAHANDA SA 2023 AUSTRALIAN OPEN EALA SIBAK SA W60 CANBERRA QUALIFIERS Eala sibak sa W40 Palma del Rio quarterfinals