EALA BUMAWI SA ITALY MEET

MATAPOS ang kanyang maiden Wimbledon campaign noong nakaraang linggo ay balik si Alex Eala sa tennis court, sa pagkakataong ito ay sa clay.

Kumarera si Eala sa panalo kapwa sa singles at doubles play, sa kanyang opening games sa JA Trofeo Bonfiglio tournament sa Milan, Italy noong Martes ng gabi.

Seeded first sa parehong dibisyon, ang 16-year-old Filipina teen tennis ace ay magaan na dinispatsa si Brenda Fruhvirtova ng Czech Republic sa first round, 6-1, 6-2.

Makakasagupa ni  Eala sa second round si Kayla Cross ng Canada.

Nakipagtambalan naman si Eala, no. 3 sa juniors world ranking, kay Madison Sieg ng United States sa doubles upang durugin ang tandem nina Stefania Bojica ng Romania at Matilde Jorge ng Portugal, 6-2, 6-1.

Susunod nilang makakaharap ang Russian duo nina Anastasiia Gureva at Ekaterina Maklakova.

Si Eala ay galing sa kanyang Wimbledon debut kung saan pinatalsik siya sa singles ni Spain’s Ane Mintegi Del Olmo sa second round.

Nagwakas ang kanyang kampanya sa Wimbledon makaraang yumuko sila ni Indonesian partner Priska Nugroho sa second round  ng girls’ doubles kontra Chelsea Fontenel ng Switzerland at Ashlyn Krueger ng USA.

Related posts:

EALA SASALANG NA SA WIMBLEDON EALA IMPRESIBO SA WIMBLEDON DEBUT ALEX EALA TODO PAGHAHANDA SA 2023 AUSTRALIAN OPEN EALA SIBAK SA QUALIFYING OPENING ROUND NG AUSSIE OPEN PSA PRESIDENT’S AWARD KAY EALA EALA SILAT SA W25 MONASTIR QUARTERS IKA-3 ITF CROWN NASIKWAT NI EALA EALA SIBAK SA W25 MADRID Q’FINALS