EALA SASALANG NA SA WIMBLEDON

KASUNOD ng kanyang kampanya sa Junior International Roehampton sa London, nakahanda na si Alex Eala na sumabak sa mas malaking torneo: ang Wimbledon.

Mamarkahan ng 16-year-old Filipina tennis sensation ang kanyang pinakaaabangang debut sa grass courts ng pinaka-matandang Grand Slam event ng tennis ngayong alas-6 ng gabi.

Una niyang makakasagupa si Solana Sierra ng Argentina sa  Round of 64 ng Wimbledon Juniors Championship na gaganapin sa London, United Kingdom.

Dadalhin ni Eala, ang world no. 3 sa junior rankings, ang kanyang mga natutunan sa J1 tournament, na ginanap din sa London at nagsilbing kanyang  pre-Wimbledon buildup.

Umabot siya sa quarterfinals round ng juniors singles tournament ng J1 ngunit kinapos kay Czech Republic’s Linda Fruhvirtova, 4-6, 1-6.

Sumabak din siya sa juniors doubles tournament katambal si Priska Nugroho ng Indonesia, na kanyang naka-partner upang kunin ang 2020 Australian Open Juniors doubles title.

Gayunman ay nabigo silang umabante sa  quarterfinals nang yumuko sa tandem nina Czech Republic’ Barbora Palicova at Radka Zelnickova ng Slovakia, 4-6, 4-6.

Bago ang Wimbledon, umaasa si Eala na mahigitan ang kanyang semifinals finish sa 2020 French Open, na best Grand Slam juniors singles output niya sa kabila ng pagkatalo kay Elsa Jacquemont ng France.

Related posts:

EALA IMPRESIBO SA WIMBLEDON DEBUT EALA BUMAWI SA ITALY MEET 2024 PARIS OLYMPICS TARGET NI ALEX EALA EALA SIBAK SA W60 CANBERRA QUALIFIERS EALA SIBAK SA QUALIFYING OPENING ROUND NG AUSSIE OPEN PSA PRESIDENT’S AWARD KAY EALA EALA SILAT SA W25 MONASTIR QUARTERS IKA-3 ITF CROWN NASIKWAT NI EALA