EALA SEEDED NO. 2 SA FRENCH OPEN JUNIORS

No. 2 seed si Filipina tennis sensation Alex Eala sa 2020 French Open Juniors.

Target ng 15-anyos na Pinay ang ikalawang tropeo sa Grand Slams makaraang makopo ang Australian Open doubles title kasama si Indonesian partner Priska Madelyn Nugroho sa kaagahan ng taon.

Sasabak din si Eala sa doubles, katambal si Elvina Kalieva ng United States. Ang dalawa ay nauna nang nagtambal sa 2019 US Open.

Noong Marso, ang juniors world no. 4 ay sumalang sa kanyang  professional debut sa W15 Monastir Tournament sa Tunisia. Nagwagi siya sa first round subalit nabigong umusad sa quarterfinals.