MAAGANG nasibak si Filipina tennis player Alex Eala sa qualifiers para sa 2025 Australian Open makaraang yumuko kay Jana Fett ng Croatia sa first round.
Nalasap ng unseeded na si Eala ang 5-7, 2-6 loss upang mabigong umabante.
Nakarekober si Eala mula sa 2-5 deficit sa opening set upang ipuwersa ang 5-5 deadlock, subalit binali ni Fett ang kanyang serve upang mabawi ang bentahe.
Tatlong magkakasunod na errors ang puminsala kay Eala sa closing stretch ng set, na nagbigay kay Fett ng panalo at ng momentum.
Makakaharap ni 28-year-old Fett, ranked 134th ng WTA, si Austria’s Sinja Kraus sa second round ng qualifiers.
Ito ang ikalawang torneo ni Eala para sa season, makaraang umabot sa semifinals ng Workday Canberra International WTA event sa Australia rin noong nakaraang linggo.