ECQ SA TUGUEGARAO CITY HANGGANG SETYEMBRE 5

CAGAYAN- PINALAWIG haggang Setyembre 5, 2021 ang kasalukuyang umiiral enhanced community quarantine (ECQ) sa Tuguegarao City dahil sa hindi pa bumababa ang kaso ng COVID-19 sa lalawigan.

Sa nakuhang impormasyon sa Cagayan Provincial Information Office, ito ay matapos aprubahan ng Regional Inter-Agency Task Force ang rekomendasyon mula sa health sector at business sektor ng siyudad upang mapababa ang kaso ng coronavirus sa siyudad, kaya habang hinihintay pa rin ang ilang pang karagdagang guidelines at protocols na ibaba ng RIATF sa pagpapalawig ng ECQ sa siyudad.

Dahil sa muling nakapagtala, ang lambak ng Cagayan ng karagdagang 32 na kaso ng Delta Variant kung saan ang mga samples ay sinuri noong August 25-26, 2021ay mahigpit naman ang panawagan ng City Government sa lahat ng mga mamamayan at sa mga dadayo sa lungsod na istriktong sumunod sa mga minimum public health standard na ipinapatupad sa buong Tuguegarao City.

Ito ay batay sa natanggap na datos ng Regional Epidemiology and Surveillance Unit (RESU) mula sa DOH Central Office, na may panibagong 32 na kaso ay mula sa apat na probinsya sa Region 2 at una rito ay nakapagtala ang Cagayan ng 10 local cases kung saan ay pito naman ang naitala sa Tuguegarao City, isa sa Tuao at dalawa sa Allacapan.

Nasa 14 local case at isang Returning Overseas Filipino Worker (ROF) naman ang naitala sa Isabela.

Mula sa nasabing bilang, na lima ang naitala sa Santiago City, tig-dalawa ang Aurora, Jones at San Mateo habang tig-isa naman ang City of Ilagan, Roxas, Tumauini at Alicia.

Nakapagtala naman ng 5 local cases ang Nueva Vizcaya habang 2 local case naman sa Quirino Province.

Habang sa kasalukuyan ay tinatapos na lamang ng mga nagpositibo sa delta variant ang kanilang isolation period at naitalang fully recovered na.

Nagpapatuloy naman ang isinasagawang contact tracing ng RESU sa pamamagitan ng kanilang Special Action Team (SAT) upang matukoy ang mga close contact ng mga nagpositibo.
IRENE V. GONZALES