Naghain si Senate President Chiz Escudero ng panukala na naglalayong ipagpaliban ang parliamentary elections sa Bangsamoro Autonomous Region in Muslim Mindanao (BARMM).
Ito ay dahil sa kamakailang desisyon ng Korte Suprema na hindi kasama ang Sulu sa rehiyonal na grupo.
Ang unang parliamentary election ng BARMM ay nakatakda sa 2025, subalit, itinutulak ni Escudero na maganap ito sa Mayo 11, 2026.
“Importanteng magawa ‘yan para mabigyan ng notipikasyon na ang ating mga kababayan dun sa BARMM kaugnay ng balak ng Kongreso na ipagpaliban ang eleksyon at ang pangunahing dahilan ay ang desisyon ng Korte Suprema kaugnay ng lalawigan ng Sulu,” ani Escudero.
Samantala, umaasa si Escudero na sertipikahan ni Pangulong Ferdinand “Bongbong” Marcos Jr. bilang urgent ang kanyang Senate Bill No. 2862.
Ang Commission on Elections ay nagsimula nang tumanggap ng mga certificate of candidacy para sa 2025 BARMM parliamentary elections.
LIZA SORIANO
Related posts:
(Para sa 2026 super elections) 69 M BOTANTE NAITALA
2025 AUTOMATED MIDTERM ELECTIONS, NAMEMELIGRO?
(Sa May 2025 elections) BILANG NG MGA DI MAKABOBOTO NADAGDAGAN
PANUNTUNAN SA PAGGAMIT NG AI SA 2025 POLLS ILALABAS NA
500K KANDIDATO BUBUHOS SA FILING NG COC
AI HINDI IPAGBABAWAL SA ELECTION CAMPAIGN
COC ILALABAS NG COMELEC SA OKT 18
(Susungkitin ng mga kandidato) 18K ELECTIVE POSITIONS SA 2025