ENROLLMENT SA PUBLIC SCHOOLS SIMULA NA

MAAARI nang magpa-enroll ngayong Lunes para sa susunod na school year ang milyon milyong mag-aaral ng public schools.

Ang enrollment ay gagawin remotely sa mga lugar na nasa enhanced community quarantine (ECQ) at modified enhanced community quarantine (MECQ).

Sa ilalim ng ganitong sistema, kokontakin ng eskuwelahan ang mga magulang o maari ring  makipag-ugnayan ang mga magulang sa mga guro.

Ayon sa DepEd, maari ring isumite ng mga magulang o guardians ang Modified Learner Enrollment and Survey Forms (MLESF) sa mga eskuwelahan sa mga lugar na nasa  general community quarantine at modified gene­ral community quarantine.

Maari rin ipatupad ang drop box enrollment, o ang pagsusumite   ng mga magulang  ng accomplished MLESF sa drop boxes o booths sa harap ng  mga eskuwelahan.

Paalala ng DepEd, ang mga magulang ng incoming kindergarten at Grades 7 at 11 na nagpatala na noon ay kaila­ngan pang i-reaffirm ang kagustuhang i-enroll ang kanilang mga anak sa pamamagitan ng digital o physical enrollment platforms ng paaralan.

Ang enrollment period ay magtatapos sa  Setyembre  13, na siya ring unang araw ng klase.

Related posts:

PUBLIC SCHOOLS HANDA NA SA ENROLLMENT DOKTOR, DENTISTA, NURSE AT IBA PA, ‘ON DUTY’ SA PUBLIC SCHOOLS ENROLLMENT TULOY SA HUNYO 1 ENROLLMENT SA TELEPONO AT ONLINE NA LANG FREE WI-FI SA PUBLIC SCHOOLS SA METRO WASH FACILITIES IPATAYO SA MGA SCHOOL TUITION HIKE SA 600 SCHOOLS ENROLLEES SA PRIVATE AT PUBLIC SCHOOLS 21 MILYON NA