SINIMULAN na ngayong araw ng Lunes ng Department of Education (DepEd) ang enrollment process para sa school year 2022-2023.
Tatagal ang enrollment period hanggang Agosto 22, 2022.
Batay sa DepEd Order Number 35, maaaring mag-enroll sa pamamagitan ng in-person, remote, o dropbox forms.
Maaari na ring magpatala ng in-person o online ang mga Alternative Learning System (ALS) learners.
Pinaalalahanan naman ng DepEd ang mga magulang at mag-aaral na personal na magtutungo sa mga paaralan na panatilihin ang pagsunod sa minimum public health standards upang maprotektahan ang kanilang mga sarili laban sa COVID-19.