(Epektibo sa Enero 2019) TOTAL BAN NG PROV’L BUS SA EDSA

bus

ISUSULONG  ng Metropo­litan Manila Development Authority (MMDA) ang pagwalis nang tuluyan o total ban sa mga provincial bus sa EDSA sa Enero 2019.

Isa ito sa nakikitang solusyon upang maibsan ang  tumitinding trapiko sa EDSA.

Ayon kay MMDA General Manager Jojo Garcia, nakatanggap na sila ng kautusan mula sa Malacañang  para i-ban ang mga  provincial bus sa EDSA at nakapaloob dito ang  pagpapasara sa  kanilang mga terminal epektibo sa Ener­o.

Kasalukuyang pinag-aaralan ng MMDA na pansamantalang maglagay ng terminal ng mga maaapektuhang bus company sa Valenzuela at sa Sta. Rosa, Laguna habang  inaayos pa ang pagtatayo ng permanenteng bus terminals sa Bulacan at sa FTI, Cavite.

Sinabi ni Garcia na  hindi nila maipatutupad ang pagsasara sa provincial bus terminals kung walang paglilipatan sa mga ito.

Nakikipagtulungan ang MMDA sa Department of Transportation (DOTr) at iba pang stakeholders ng transportation sector sa total ban ng  nasabing mga bus.

Samantala, umapela ang mga bus operator  na pigilan muna ang implementasyon ng  paggamit ng Parañaque Integrated Terminal Exchange (PITX).

Lahat ng biyaheng Tagaytay, Cavite at Batangas ay sa PITX na ang sakayan at babaan. Hindi na papasok ang mga ito sa Metro Manila.

One thought on “(Epektibo sa Enero 2019) TOTAL BAN NG PROV’L BUS SA EDSA”

Comments are closed.