MAGSASAGAWA ang Senado ng pagdinig sa Martes kaugnay sa epekto ng matinding init na dahilan ng paglipat sa Alternative Delivery Modes (ADMs) sa mga estudyante.
Sinabi ni Senator Win Gatchalian na isa sa dahilan na sinuspinde ng Department of Education (DepEd) ang face-to-face classes noong Abril 29 at 30 ay dahil sa matinding init.
Bagama’t maaaring magpatupad ang mga paaralan ng blended learning, binigyang diin ni Gatchalian na may mga hamon pa rin sa paggamit ng ADMs.
Kabilang na rito ang kawalan ng maayos na internet sa ilang mga bahay. Nahihirapan din aniya ang ilang mga magulang na suportahan ang kanilang mga anak sa pagpapatupad ng blended learning.
“May mga magulang na hindi masyadong sang-ayon sa online or blended learning dahil hindi natututo ang kanilang anak at mismong mga magulang din ang sumasagot sa mga textbook o workbook nila. Lumalabas na mas pabor pa rin ang maraming magulang sa face-to-face classes,” anini Gatchalian.
“Gayunpaman, maraming mga nag-suspinde ng klase nitong mga nakaraang araw dahil sa sobrang init ng panahon.
Ang lahat ng ‘yan ay babalansehin natin,” dagdag pa nito.
LIZA SORIANO
Related posts:
2.4 MILYONG STUDES APEKTADO NG MATINDING INIT
PAGPAPALIBAN SA BARMM ELECTIONS, LUSOT SA SENADO
VILLANUEVA TATAKBO MULI SA SENADO
DUTERTE KUKUMBINSIHIN NA TUMAKBO SA SENADO
SENADO, AARESTUHIN SI LAO
DUTERTE SASABAK SA SENADO
‘RIGHTS AND WELFARE’ BILL SA ABANDONADONG BATA APRUB NA SA SENADO
ITINUTULAK NA WAGE HIKE NG SENADO PINABABALANSE NG LADY SOLON