NAGKATAGPO at nagkumustahan sina Manila Mayor Isko Moreno at ang kanyang political rival at predecessor na si dating Pangulo at dating Manila Mayor Joseph Estrada sa isang kasalan na kanilang dinaluhan.
Kinumpirma ni Moreno ang pagtatagpo nila ni Erap sa kanyang social media post na sinamahan pa nito ng isang larawan na nagkamayan at kapwa nakangiti.
Aniya, nagkumustahan sila at natutuwa naman si Moreno na nasa mabuting kalusugan si Erap lalo na ngayong panahon ng pandemya.
“Akin pong ikinagalak na sa isang kasalan ay muli kong nakatagpo ang dating alkalde ng Maynila, si dating pangulong Joseph ‘Erap’ Estrada. Kinumusta ko po siya at kinumusta rin niya po ako. Ako po ay nagalak sa kanyang mabuting kalusugan lalo na sa panahong ito ng pandemya,” anang alkalde.
Inihayag rin naman ni Moreno na panalangin rin ni Erap na magkaroon ng magandang kalusugan ang publiko at makaiwas sa anumang karamdaman.
“Kay dating Pangulong Erap, God bless you po. Stay healthy and safe,” dagdag pa ni Moreno.
VERLIN RUIZ
Comments are closed.