NAGPAHAYAG ng pagkabahala si Senador Chiz Escudero kaugnay sa pahayag kamakailan ng Department of Justice (DOJ) na naghahanda sila para sa briefer sa mga posibleng legal na opsyon ni Pangulong Ferdinand “Bongbong” Marcos Jr. kaugnay ng International Criminal court (ICC) probe.
Kinuwestiyon ng senador kung bakit ginawa ang naturang press conference ukol dito.
“What I don’t understand is why a presscon had to be called to announce something that is in the normal course of things or as it should be,” ani Escudero.
“Providing legal briefings to the President is standard procedure.”
Nauna nang inihayag ni DOJ spokesperson Mico Clavano na naghahanda sila para sa legal briefer para kay Marcos sakaling arestuhin ng ICC si dating pangulong Rodrigo Duterte.
“Aware naman tayo na ‘yung policy ngayon ng gobyerno na hindi papasukin ang ICC ay posible namang mag-iba,” ani Clavano.
“So it will have to be a very objective briefer para malaman ni Presidente kung paano siya gagalaw once the ICC warrants of arrest, if ever, are issued then he will know kung ano ‘yung mge legalities, ‘yung mga options niya at ‘yung mga remedies din,” dagdag pa niya.
Samantala, hinimok ni Escudero ang Executive Branch na maging mas maingat at linawin ang katwiran sa likod ng press conference at tiyakin na ang mga desisyon ay ginawa nang objectively sans political agenda. LIZA SORIANO
Related posts:
PBBM NAGPAALALA: ALAGAAN ANG PUSO NGAYONG VDAY
(Matapos magsalita ni PBBM) RBH6 INAASAHANG AAPRUBAHAN NA NG SENADO
(Para mag-adjust sa taas-presyo) PBBM PALALAWIGIN ANG 4Ps
PBBM TINIYAK NA EPEKTIBO ANG INTEL GATHERING NG GOV’T
MALAKAS NA KALAKALAN SA PHIL-HAWAII COOPERATION
(Isinusulong ng IRRI) BIGAS NA MABABA ANG GI
PBBM UNANG FILIPINO LEADER SA AUSTRALIAN PARLIAMENT
PBBM, FL INIMBITAHAN SA GERMANY, CZECH REPUBLIC