QUEZON- ARESTADO ang Rank No. 7 Most Wanted Person ng Silay City Police Station, Negros Occidental at nasa Rank No. 8 Most Wanted Person in Provincial Level ng Negros Occidental Police Provincial Office sa isinagawang police operation ng Rosario PNP kasama ang Regional Intelligence Unit 4A Provincial Intelligence Team Batangas, Provincial Intelligence Unit Batangas, 1st Batangas Mobile Group nitong Biyernes ng umaga sa Barangay Singko, Alabat sa lalawigang ito.
Kinilala ni Batangas Police Provincial Office Provincial Director Col. Samson B Belmonte ang wanted na si Katherine Bacerra y Trapse, 27-anyos, tubong Isabela at kasalukuyang nakatira sa Alabat, Quezon.
Inaresto si Bacerra sa bisa ng Warrant of Arrest na inilabas ng Regional Trial Court, Branch 69, Sixth Judicial Region, Silay City, Negros Occidental noong Oktubre 22, 2021 at walang inirekomendang piyansa para sa kasong PD 1689 (Swindling/Estafa).
Kasalukuyang nasa kostudiya ng Rosario Municipal Police Station para sa kaukulang disposisyon.
BONG RIVERA