ESTUDYANTE TIMBOG SA DRUG TRADE

DAVAO CITY – KALABOSO ang binagsakan ng 18-anyos na estudyante na sinasabing nagtutulak ng droga matapos masakote ng awtoridad sa inilatag na anti-drug operation sa Purok 2, Barangay Tagpopongan sa Babak District, Igacos sa nasabing lalawigan noong Linggo ng gabi.

Kinilala ang suspek na si Cude Labustro Cabase ng Purok 2, Barangay Tagpopongan sa nasabing lugar.

Kasalukuyang nakakulong sa Island Garden City of Samal (IGACOS) Police Station ang estudyante matapos maaresto bandang alas-8 ng gabi.

Ayon sa ulat ng Davao del Norte Police Provincial Office, ang suspek na may ilang linggong isinailalim sa masusing surveillance kaugnay sa kanyang drug trade na agad nasakote ng mga ope­ratiba ng pulisya sa inilatag na buy bust ope­ration.

Isinailalim sa chemical analysis ang .0349 gramo ng shabu habang pina-drug test at physical examination ang suspek na nahaharap sa kasong paglabag sa RA 9165. MHAR BASCO